Da se užanca ne zatare i ovo leto 17.01. na Zvonećoj se tradicionalno obilježava Antonja odnosno početak pusta na širen Matujsken kraje, za ku se smatra da je i koren obilježavanja pusta na Liburnije.
Program počinje na pet ur s kantanun mašun va Crekve sv. Antona ki se slavi 17.01. i kemu je na čast od polovice 19. Stoleća na Zvonećoj storena crekva.
Na 6:30 va škole održat će se otvorenje izložbi crteži Marije – Marice Afrić (r. Sušanj).
Program se nastavlja na sedan i pol podizanjen pusta va centre Zvoneće kega će upriličit promenadun od šatora do centra Zvoneći orkestar armunikaši škole Nike Polesa.
Nakon podizanja pusta počinje obahajanje po konobah kade će domaćini ponudit domaće vino i svoji proizvodi, a va šatore na igralište pul školi počinje fešta na kojoj nastupa Orkestar armunikaši škole Nike Polesa, Brevis bend i Okrogli munikanti.
Osin Jarboli za ugostiteljski del va šatore pobrinut će se ugostitelj s tradicionalnun gastronomijun i raznun pijačun.
Treba napomenut da je pokrovitelji ove manifestacije Općina Matulji i Primorsko -goranska županija i da pozivamo si pusni judi da se pridu na Zvoneću zabavit da se užanca ne zatare.
